1437 ވަނަ އަހަރުގެ ރަމަޟާންމަހުގެ ހަނދުބެލުމާބެހޭ ހަނދުކޮމިޓީގެ ބައްދަލުވުން

moon03

މި އަހަރުގެ ރަމަޟާންމަހުގެ ހަނދުބެލުމުގެ ޙަރަކާތަށް އެކުލަވައިލާފައިވާ ޝަރުޢީދާއިރާގެ ހަނދު ކޮމިޓީގެ ބައްދަލުވުން މިއަދު ހަވީރު 5:30 އިން ފެށިގެން ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންގެ ކޮންފަރެންސް ހޯލްގައި ކުރިއަށް އެބަދެއެވެ.

މިއަހަރުގެ ރަމަޟާންމަހުގެ ހަނދު ސާބިތުކުރުމަށްޓަކައި ރަމަޟާންމަހުގެ ހަނދު ފެނުނު މީހަކު ނުވަތަ ބަޔަކު ހެކިބަސް އަދާކުރުމަށް ހަމަޖެހިފައި ވަނީ މާލޭގައިނަމަ މާލޭ ކޯޓެއްގެ ޤާޟީއެއްގެ ކުރިފުޅުމަތީގައެވެ. އަތޮޅުތަކުގައިނަމަ އެރަށެއްގެ މެޖިސްޓްރޭޓް ކޯޓުގެ މެޖިސްޓްރޭޓެއްގެ ކުރިފުޅުމަތީގައެވެ. އަދި މެޖިސްޓްރޭޓެއް ނެތް ރަށެއްގައިނަމަ އެރަށެއްގެ ކައުންސިލް އިދާރާ ހިންގެވުމާ ޙަވާލުވެހުންނެވި އެންމެ އިސްވެރިޔާގެ ކުރިފުޅު މަތީގައެވެ.

އިތުރަށް ވިދާޅުވުމަށް...

1437 ވަނަ އަހަރުގެ ރަމަޟާންމަހުގެ ހަނދުބެލުން

މިއަހަރުގެ ރަމަޟާންމަހުގެ ހަނދު ސާބިތުކުރުމަށްޓަކައި ރަމަޟާންމަހުގެ ހަނދު ފެނުނު މީހަކު ނުވަތަ ބަޔަކު ހެކިބަސް އަދާކުރުމަށް ހަމަޖެހިފައި ވަނީ މާލޭގައިނަމަ މާލޭ ކޯޓެއްގެ ޤާޟީއެއްގެ ކުރިފުޅުމަތީގައެވެ އަތޮޅުތަކުގައިނަމަ އެރަށެއްގެ މެޖިސްޓްރޭޓް ކޯޓުގެ މެޖިސްޓްރޭޓެއްގެ ކުރިފުޅުމަތީގައެވެ. މެޖިސްޓްރޭޓެއް ނެތް ރަށެއްގައިނަމަ އެރަށެއްގެ ކައުންސިލް އިދާރާ ހިންގެވުމާ ޙަވާލުވެހުންނެވި އެންމެ އިސްވެރިޔާގެ ކުރިފުޅު މަތީގައެވެ.

މިއަދު، 29 ޝަޢުބާން 1437 (05 ޖޫން 2016) ވާ އާދީއްތަ ދުވަހު ހަވީރު 5:30 ން ފެށިގެން ހަނދުގެ މައްސަލަ ވަކިގޮތަކަށް ނިމެންދެން ފޯނާއި ފެކްސްގެ ޚިދުމަތް ލިބޭނޭގޮތުގެމަތީން އަތޮޅުތަކުގެ އަތޮޅު ކައުންސިލް އިދާރާތަކާއި، ރަށުކައުންސިލް އިދާރާތައް ހުޅުވާފައި ބެހެއްޓުމުގެ އިންތިޒާމް ހަމަޖައްސަވައިދެއްވުމަށްވެސް ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނުން ވާނީ ލޯކަލް ގަވަރމެންޓް އޮތޯރިޓީ (އެލް.ޖީ.އޭ) ގައި ދަންނަވާފައެވެ.

ފަނޑިޔާރުގޭ އެކުވި މާހެފުން 1437

maahefun201601

ޝަރުޢީ ދާއިރާއަކީ އެއްބަޔަކު އަނެއްބަޔަކަށް އިޙްތިރާމްކުރާ މުވައްޒަފުންގެ އަގު ވަޒަންކުރާ ދާއިރާއަކަށް ހެދުމަށް، ފަނޑިޔާރުންގެ މަހާސިންތާ 2016 ނިންމުމުގެ ރަސްމިއްޔާތުގައި، ދިވެހިރާއްޖޭގެ އުއްތަމަ ފަނޑިޔާރު އޮނަރަބަލް އަލްއުސްތާޛު ޢަބްދުﷲ ސަޢީދު އެދިވަޑައިގެންފައިވެއެވެ.

އެގޮތުން މެޖިސްޓްރޭޓް ކޯޓުތަކުގައި މަސައްކަތްކުރައްވާ މުވައްޒަފުން މާލޭގެ ކޯޓެއްގައި ނުވަތަ ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނުގައި 15 ދުވަހަށް އައިސް މަސައްކަތްކުރުމަށް ފުރުޞަތު ވަނީ ހުޅުވައިލައްވާފައެވެ. އަދި މީގެއިތުރުން، މާލޭގެ ކޯޓުތަކުގެ މުވައްޒަފުން އެއްތަނަކަށް ޖަމާވެގެން އެއް ޢާއިލާއެއްހެން މިއަހަރުގެ މާހެފުން ބޭއްވުމަށްވެސް އުއްތަމަ ފަނޑިޔާރު އެދިވަޑައިގެންނެވިއެވެ.

އިތުރަށް ވިދާޅުވުމަށް...

ވަޒީފާގެ ފުރުޞަތު

ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންގެ ޑިރެކްޓަރ / ފައިނޭންސް ގެ މަޤާމަށް ކުރިމަތިލުމުގެ ފުރުޞަތު، 24 މޭ 2016 ވާ އަންގާރަ ދުވަހުގެ 14:30 ގެ ނިޔަލަށް ވަނީ ހުޅުވައިލެވިފައެވެ.

އިޢުލާނު ވިދާޅުވުމަށް

ޤާނޫނީ ވަކީލުކަމުގެ ހުވާކުރުމުގެ ރަސްމިއްޔާތުގައި ބައިވެރިވުމަށް އެދި ހުށަހެޅުމުގެ ފުރުޞަތު

ދިވެހިރާއްޖޭގައި ޤާނޫނީ ވަކީލެއްގެ ހައިސިއްޔަތުން މަސައްކަތްކުރުމުގެ ހުއްދަދިނުމަށް މިއަހަރު ބާއްވާ ފުރަތަމަ ރަސްމިއްޔާތުގައި ބައިވެރިވުމަށް އެދި ހުށަހެޅުމަށް ހުޅުވާލި މުއްދަތު ހަމަވިއިރު، ތަފާތު އެކި ސަބަބުތަކާހުރެ އެޕްލިކޭޝަން ފޯމް ހުށަހެޅިފައިނުވާ ގިނަ ފަރާތްތަކެއް ތިބުމުގެ ސަބަބުން، އެފަރާތްތަކަށް އެ ފުރުޞަތު ލިބިދިނުމުގެ ގޮތުން، މިއަހަރު ބާއްވާ ޤާނޫނީ ވަކީލުން ހުވާކުރުމުގެ ރަސްމިއްޔާތުގައި ބައިވެރިވުމަށް އެދި ހުށަހެޅުމުގެ ފުރުޞަތު އަލުން ހުޅުވާލައި ޢާންމުކޮށް ވަނީ އިޢުލާނު ކުރެވިފައެވެ.

ޢިޢުލާނު ވިދާޅުވުމަށް

ފަނޑިޔާރުންގެ މަހާސިންތާ 2016 ނިމިއްޖެ

IMG 0558

ފަނޑިޔާރުންގެ މަހާސިންތާ 2016 ނިންމުމުގެ ރަސްމިއްޔާތު މިއަދު ހަވީރު އިސްލާމީ މަރުކަޒުގެ ޖަލްސާކުރާ މާލަމުގައި ބާއްވައިފިއެވެ. ސުޕްރީމް ކޯޓުގެ ފަނޑިޔާރުންނާއި، ހައިކޯޓުގެ ފަނޑިޔާރުންނާއި، ސުޕީރިއަރ ކޯޓުތަކުގެ ފަނޑިޔާރުންނާއި، އަތޮޅުތަކުގެ އިސްމެޖިސްޓްރޭޓުން ބައިވެރިވެވަޑައިގަތް މި ޙަފުލާ ޝަރަފުވެރި ކޮށްދެއްވީ ދިވެހިރާއްޖޭގެ އުއްތަމަ ފަނޑިޔާރު އޮނަރަބަލް އަލްއުސްތާޛު ޢަބްދުﷲ ސަޢީދު އެވެ.

އިތުރަށް ވިދާޅުވުމަށް...

އެޓަރނީ ޖެނެރަލް ފަނޑިޔާރުންގެ މަހާސިންތާގައި ބައިވެރިވެވަޑައިގެންފި

image8

އެޓަރނީ ޖެނެރަލްއާއެކު ފަނޑިޔާރުން މަޝްވަރާކުރެއްވުމަށް ބޭނުންފުޅުވާ ކަންތައްތަކާގުޅޭގޮތުން މަޝްވަރާކުރެއްވުމަށްޓަކައި ފަނޑިޔާރުންގެ މަހާސިންތާގެ މިއަދުގެ އެންމެ ފަހު ސެޝަންގައި އެމަނިކުފާނު ބައިވެރިވެވަޑައިގެންފިއެވެ. މިސެޝަންގެ މަޤުޞަދަކީ ޝަރުޢީ މަރުޙަލާގައި އެޓަރނީ ޖެނެރަލްއާ ގުޅިގެން މަސައްކަތް ކުރައްވަންޖެހޭ ކަންކަމާގުޅޭގޮތުން ފަނޑިޔާރުން މަޝްވަރާކުރައްވަން ބޭނުންފުޅުވާ ކަންކަން ހުށަހަޅުއްވައި، މަޝްވަރާކުރެއްވޭނެ ފޯރަމެއް ހުޅުވައިލުމެވެ.

އިތުރަށް ވިދާޅުވުމަށް...

ފަނޑިޔާރުންގެ މަހާސިންތާ 2016 ކުރިޔަށް ދަނީ

photo1

ފަނޑިޔާރުންގެ މަހާސިންތާ 2016 ގެ ސެޝަންތައް، އިސްލާމީ މަރުކަޒުގެ ޖަލްސާކުރާ މާލަމުގައި ފަށައިގެން ކުރިޔަށް އެބަދެއެވެ. މިއަދު ހެނދުނު 09:30 ގައި ސެޝަންތައް ފައްޓަވައިދެއްވީ ދިވެހިރާއްޖޭގެ ސުޕްރީމް ކޯޓުގެ ފަނޑިޔާރު އޮނަރަބަލް އަލްއުސްތާޛު ޢަބްދުﷲ ޢަރީފެވެ.

އިތުރަށް ވިދާޅުވުމަށް...

ފަނޑިޔާރުންގެ މަހާސިންތާ 2016 އިފްތިތާޙްކޮށްދެއްވައިފި

inau

ފަނޑޔާރުންގެ މަހާސިންތާ 2016، ދިވެހިރާއްޖޭގެ އުއްތަމަފަނޑިޔާރު އޮނަރަބަލް އަލްއުސްތާޛު ޢަބްދުﷲ ސަޢީދު އިފްތިތާޙްކޮށްދެއްވައިފިއެވެ. ފަނޑޔާރުންގެ މަހާސިންތާ 2016 އިފްތިތާޙްކޮށްދެއްވީ އެކަމަށްޓަކައި އިސްލާމީ މަރުކަޒުގެ ޖަލްސާކުރާ މާލަމުގައި މިރޭ ބޭއްވި ރަސްމިއްޔާތުގައެވެ.

އިތުރަށް ވިދާޅުވުމަށް...

"އިސް މެޖިސްޓްރޭޓުންގެ ކޮލޯކިއަމް 2016" ގެ ތިންވަނަ ދުވަސް

Day301

ޖުޑީޝަލް ދާއިރާތަކުގެ 19 ފަނޑިޔާރުންނާއެކު ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންގެ ޓްރޭނިންގ ހޯލްގައި ކުރިއަށްދާ "އިސް މެޖިސްޓްރޭޓުންގެ ކޮލޯކިއަމް 2016" ގެ ތިންވަނަ ދުވަހުގެ ސެޝަންތައް ކާމިޔާބުކަމާއެކު ނިންމާލައިފިއެވެ.

އިތުރަށް ވިދާޅުވުމަށް...