ރަސްމީ ސިޓީތަކުގައި ސޮއިކުރުމާއި ސިޓީ އެޑްރެސްކުރުމާ ބެހޭގޮތުން ނެރެފައިވާ ނަންބަރު SC/2012/02 ސަރކިއުލަރގައިވާ ގޮތުގެ މަތިން ޢަމަލުކުރަމުން ގެންދިއުމަށް ދިވެހިރާއްޖޭގެ ސުޕްރީމް ކޯޓުން އަންގަވައިފި

ރަސްމީ ސިޓީތަކުގައި ސޮއިކުރުމާއި ސިޓީ އެޑްރެސްކުރުމާ ބެހޭގޮތުން ދިވެހިރާއްޖޭގެ ސުޕްރީމް ކޯޓުން ނެރުއްވާފައިވާ ނަންބަރު SC/2012/02 ސަރކިއުލަރގައިވާ ގޮތުގެ މަތިން ޢަމަލުކުރަމުން ގެންދިއުމަށް ދަންނަވައި ދިވެހިރާއްޖޭގެ ސުޕްރީމް ކޯޓުން ޢާއްމު ސިޓީއެއް ނެރުއްވައިފިއެވެ. އެގޮތުން ދިވެހިރާއްޖޭގެ ކޯޓުތަކާއި ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނުން، ދިވެހިރާއްޖޭގެ ސުޕްރީމް ކޯޓަށާއި ސަރުކާރު އޮފީސްތަކަށާއި ދައުލަތުގެ މިނިވަން މުއައްސަސާތަކަށާއި މުސްތަޤިއްލު ކޮމިޝަންތަކަށާއި މުސްތަޤިއްލު އިދާރާތަކަށް ފޮނުވާ ސިޓީތަކާއި ލިޔުންތަކުގައި ސޮއިކުރުމުގައި ދިވެހިރާއްޖޭގެ ސުޕްރީމް ކޯޓުގެ ނަންބަރު SC/2012/02 ސަރކިއުލަރގައިވާ ގޮތުގެ މަތިން ޢަމަލުކުރުމަށް ދިވެހިރާއްޖޭގެ ސުޕްރީމް ކޯޓުގެ ނަންބަރު 2015/03 ޢާއްމު ސިޓީއިން ވަނީ އަންގަވާފައެވެ. އަދި ސަރުކާރުގެ އޮފީސްތަކާއި ދައުލަތުގެ މިނިވަން މުއައްސަސާތަކައި މުސްތަޤިއްލު ކޮމިޝަންތަކާއި މުސްތަޤިއްލު އިދާރާތަކާއި ކޯޓުތަކާއި މިނޫންވެސް ފަރާތްތަކުން ދިވެހިރާއްޖޭގެ ސުޕްރީމް ކޯޓަށާއި ދިވެހިރާއްޖޭގެ ކޯޓުތަކަށް ފޮނުވާ ސިޓީތަކުގައި ސޮއިކުރުމާއި އެޑްރެސްކުރުމުގައި ވެސް ދިވެހިރާއްޖޭގެ ސުޕްރީމް ކޯޓުގެ ނަންބަރު SC/2012/02 ސަރކިއުލަރގައިވާ ގޮތުގެ މަތިން ޢަމަލުކުރުމަށް ދިވެހިރާއްޖޭގެ ސުޕްރީމް ކޯޓުގެ ޢާއްމު ސިޓީއިން ވަނީ އަންގަވާފައެވެ.
ދިވެހިރާއްޖޭގެ ސުޕްރީމް ކޯޓުގެ ނަންބަރު 2015/03 ޢާއްމު ސިޓީ ވިދާޅުވުމަށް
ދިވެހިރާއްޖޭގެ ސުޕްރީމް ކޯޓުގެ ނަންބަރު SC/2012/02 ސަރކިއުލަރ ވިދާޅުވުމަށް

ކޯޓުތަކުގެ ޤާނޫނުގެ 2 މާއްދާއަކާއި ވަޒީފާއާބެހޭ ޤާނޫނުގެ މާއްދާއެއް ބާޠިލްކޮށް ދިވެހިރާއްޖޭގެ ސުޕްރީމް ކޯޓުން ރޫލިންގއެއް ނެރުއްވައިފި

ކޯޓުތަކުގެ ޤާނޫނުގެ 2 މާއްދާއަކާއި ވަޒީފާއާބެހޭ ޤާނޫނުގެ މާއްދާއެއް ބާޠިލުކޮށް 27 ޖަނަވަރީ 2015 ވީ ހުކުރު ދުވަހު ދިވެހިރާއްޖޭގެ ސުޕްރީމް ކޯޓުން ރޫލިންގ އެއް ނެރުއްވައިފިއެވެ. ދިވެހިރައްޖޭގެ ސުޕްރީމްކޯޓުގެ ނަންބަރު 2015/SC-RU/01 ރޫލިންގ ގެ ދަށުން ބާޠިލު މާއްދާތަކެއް ކަމުގައި ކަނޑައަޅުއްވާފައިވަނީ ޤާނޫނު ނަންބަރު 2010/22 (ދިވެހިރާއްޖޭގެ ކޯޓުތަކުގެ ޤާނޫނު) ގެ 15 ވަނަ މާއްދާއާއި އާއި 42 ވަނަ މާއްދާއާއި ޤާނޫނު ނަންބަރު 2008/2 (ވަޒީފާއާބެހޭ ޤާނޫނު) ގެ 85 ވަނަ މާއްދާގެ (ށ) އެވެ. ބަޔާންވެދިޔަ މާއްދާތަކަކީ ފުރަތަމަ މަރުޙަލާގެ ކޯޓުތަކުންނާއި ޓްރައިބިއުނަލް ތަކުން ނިންމާ މައްސަލަތައް އިސްތިއުނާފުކުރެވޭނެ މުއްދަތުތައް ކަނޑައަޅާފައިވާ މާއްދާތަކެވެ. މި މާއްދާތަކަކީ ބާޠިލު މާއްދާތަކެއްކަމަށް ކަނޑައެޅުއްވުމާއެކު، 15 ފެބްރުއަރީ 2015 ވާ އާދީއްތަ ދުވަހުން ފެށިގެން ފުރަތަމަ މަރުޙަލާގެ ކޯޓުތަކުންނާއި ޓްރައިބިއުނަލްތަކުން ކުރާ ޙުކުމްތަކާއި ނިންމުންތައް ދިވެހިރާއްޖޭގެ ހައިކޯޓުގައި އިސްތިއުނާފުކުރުމުގައި ޢަމަލުކުރަންވާނީ ދިވެހިރާއްޖޭގެ ސުޕްރީމް ކޯޓުގެ ނަންބަރު 2015/06/SC ސަރކިއުލަރ ގައި ބަޔާންކޮށްފައިވާ ގޮތުގެ މަތިން ކަމަށް ވެސް މި ރޫލިންގ ގައި ވަނީ ކަނޑައަޅުއްވާފައެވެ.

ދިވެހިރައްޖޭގެ ސުޕްރީމްކޯޓުގެ ރޫލިންގ ވިދާޅުވުމަށް